AITON-AMONAK GURE GELAN

JOSE LUIS

Jose Luis Xirinen aitona da eta gure gelara etorri zen bere gaztetako istorioak kontatzera. Bere istorioak Afrikan izan ziren. Jose Luisek kontatutako istorioen laburpen txiki batzuk kontatuko dizkizuegu.

KANPINEAN HIENAK

Jose Luis beste 19 pertsonekin Afrikara joan zen. Han kamioi batean bidaiatu zuten. Egun batean erabaki zuten kanpinetan lo egitea, hurrengo egunean esnatu zirenean denak harrituta geratu ziren. Lurrean oinatzak ikusi zituzten, Jose Luisek esan zigun hienenak zirela eta gauean kanpin dendaren inguruan ibili zirela.

BUFALOA ATEAN

Jose Luisek esan zigun hotel batera joan zirela eta hango belardian bufalo handi-handi bat zegoela. Adierazi zigunez, bufaloak taldean baldin badaude zuregana doazela abisatu egiten dute baina bakarrik baldin badaude ahul sentitzen dira eta abisatu gabe eraso egiten dute, “zas” akabo.

Beraiek txoferrari beldurtuta esan zioten:

-Baina zer ari da bufalo handi hori hor?

-Bufalo hori? Oso zaharra da, ez bazarete gerturatzen ez dizue ezer egingo.

-Baina gure etxeko ate parean jartzen bada? -galdetu zuten.

-Ba itxaron.

Egun batean, bufaloa bere bizilagunaren etxeko atean jarri zen eta 30 minutuz egon ziren itxaroten joan arte.

BUFALOARI ARGAZKIA

Jose Luisek bere bidaian zehar  bufalo asko ikusi zituen eta gidariari arriskutsuak ziren galdetu zionean istorio txiki bat kontatu zion, eta kontatu egingo dizuegu:

“Emakume bat, ez zegoen burutik ondo, eta bufaloari argazki bat atera zion bere muturraren aurrean,eta gainera flasharekin. Bufaloak beldurtuta bertan hil zuen, bere familiaren aurrean.”

Eta honela bukatzen da istorio hau.

BAOBAB

Afrikan Baobab izeneko zuhaitzak daude. Zuhaitz hauek erraldoiak dira eta gizaki bat aurrean jartzen bada inurri bat dela dirudi. Bungalow  batera joan zen eta gauean soinu arraro bat entzun zuen. Kanpora joan zen eta Baobaben azala jaten elefante bat ikusi zuen!

NGORONGORO

Ngorongoro sumendi bat zen eta Ngorongoro erupzioan hasi zen eta ondorioz krater bat sortu zen, han animali asko bizi dira: lehoiak, jirafak, zebrak, animalia txikiak, hegaztiak, etab.

KROKODILOA

Animalia guztiak kontu handia izan behar dute ura edaterakoan, krokodiloak ozka egiteko arriskua dute, adibidez, jirafak hankak asko ireki eta burua behealdera jaisten dute baina ez dute burua sartzen krokodilorik ez dagoela seguru egon arte. Bestela krokodiloak jirafa jaten du.

JIRAFA

Jirafak ura edan baino lehen alde guztietara begiratzen dute, ez beste animali batek erasotzeko. Seguru daudenean hankak ireki egiten dituzte zabal-zabal eta geroago ura edaten hasten dira.

OSTRUKA

Ba al dakizue zenbat neurtzen duen ostruka batek? Gehienez hiru metro. Ostrukak korrikalari bikainak dira.

LEHOIA ESNATU

Lehoia lotan zegoen bitartean Jose Luisek argazki bat ateratzeko aprobetxatu nahi zuen, baina, doministiku egin zuen.  Ondorioz,  lehoia esnatu zen eta, jarraian, argazki bat atera zion.

ZALDIAN

Behin zaldiak alokatu zituzten, eta haien gainean ibili ziren gora eta behera. Bat-batean gelditu  ziren, beraien aurrean bufalo talde  handi bat ikusi zutelako. A zer ikara!

Lasaitzen saiatu ziren,  atzera begiratu eta beste bufalo talde bat ikusi zuten. Agintariak lasai egoteko eskatu zien. Denbora pasata bufaloek alde egin zuten eta lasai  beste animalia batzuk ikustera joan ziren.

Espero dugu zuen gustukoa izatea eta Jose Luisi eskerrak ematen dizkiogu 5B-ko ikasle guztiok.