2021/02/06

PINABURUAK APAINDUZ





BASOTIK HARTUZ PINABURUA
HORRA GURE AHALEGINA;
AMONA KUTTUN, SORGIN NAHIZ GAZTE,
EDOTA ELUR PANPINA.

DOINUA. DIOS TE SALBE




6. MAILA



 

2021/01/15

UNIBERTSOA-GURE PLANETARIUMA


Ikasturte berri honetan, Samaniego-Orixe LH 5.mailako neska mutilak, bidai zoragarri bat egin dugu, gure barrutik hasi eta kanpora, espaziora hain zuzen ere. Nor gara gu?  Zer gara espazio zabalean?...


Gaian barrena egin ahala, galdera asko sortu zaizkigu gelakideen artean eta hauei erantzuna bilatzen hasi gara: zergatik egiten ote du bero udaran eta hotz neguan? zer dira solstizioak eta zer zerikusi dute gure Olentzerorekin?, zergatik ditu ilargiak kraterrak? izarrak irakurri daitezke eta bidean orientatzen gaituzte, nola da posible? planetak eskala errealean egin ditugunean ohartu gara zeinen handiak edota txikiak diren… harrigarria benetan!!



Bost bat laguneko taldeetan elkartu gara eta galderak banatu ditugu. Ikertu ondoren, ulertu duguna, besteei azaldu diegu eta hau egiteko ideiak oso garbi eduki behar izan ditugu. 



Nola ulertuko digute besteek, guk ulertzen ez badugu aurrena? Azalpen hauetarako eskuak eta sormena martxan jarri ditugu. 

GORA GURE SORMENA!!






NASAko Carol astronautak gauza interesgarri asko kontatu dizkigu bideo konferentzi bitartez. Txiki txikitatik, 5 urte zituenetetik, espazioa eta izarrei buruz dena jakin nahi zuen. Etxeko teilatura igotzen zen teleskopioa hartuta izarrak begiratzea. Kuriositate handiko neska zen eta berak egindako telazko denda batean irakurtzea atsegin zuen baita unibertsoa ikertzen zuela amestea ere. Gaztetxoa zenean, NASAra eskutitz bat idatzi zuen eta hauek erantzuteaz gain liburu mordoska bidali zizkien. Zerbait benetan atsegin dugunean gure gogoa eta denbora erabiltzen ditugu ia esfortzurik gabe. Ez ditzagun gure ametsak galdu!!


Gaur egun, NASAkoen helburuetako bat, Marte planetan bizi gaitezkeen edo ez jakitea da. Lur planetan bizia bukatuko balitz Marten gizakia bizirauteko. Helburu garrantzitsu hau errealitate bihurtzeko, NASAN astronautak egoteaz gain, psikologoak, sukaldariak, abokatuak, kirol entrenatzaileak, medikuak, informatikariak… pertsonak behar dira. Elkarrengandik eta elkarrekin aritzen diren neska mutilak. Emakumeak mundu zirraragarri honetan murgiltzeko gonbitea zabaldu digu Carolek.



Beste gauza askori buruz ere hitz egin digu, esaterako: grabitateaz, planeten errotazio eta translazio mugimenduei buruz… Ba al zenekiten Marten biziko bagina 5 urte izango genituela oraindik? jiji


Emakumeak espazioan izan duten paperaz, arduraz era aritu gara. Ba al dakizue zer den Artemis proiektua? NASAk 2024ean, lehen emakumea Ilargiaren azalean jarri nahi duen misio handia da. Eta nola ez, Yuri Gagarin eta Alan Shepar astronautak era aipatu ditu.



Gelakide askoren jakinmina espaziontziak nolakoak diren jakitea izan da, baita, bertan, astronautak zer egiten duten ere. Nolakoak diren komunak, oheak, zer jaten duten, zergatik entrenatzen duten hainbeste espazioan daudenean, nolakoak dira eguneroko entrenamentuak, dituzten zereginak…



Zalantza eta kuriositate guzti-guztiak galdetu dizkiogu eta Carolek irrifar haundi batekin erantzun dizkigu. Eskerrik askooooooooooo bihotz bihotzez!!!! PLAZER bat izan da Carol zu ezagutzea, nork esango liguke astronauta batekin hitz egingo genuenik noiz bait? Zaindu zaitez Carol eta jarraitu dezagun amesten!!


 








2021/01/07

OLENTZERO ETA MARI DOMINGI 2020

 Uzturre menditik etorri zaizkigu Olentzero eta Mari Domingi bisita egitera. 

Nahiz eta musukoa jantzita izan, irrifarre goxoak eskaini dizkigute. 


Haurren eskaerak jaso ondoren, eskolarako opariak ekarri dizkigute. 


Mila esker bioi!

ARGAZKIAK

2020/12/24

GABONETAKO ABESBATZA

 4. Mailako ikasleak gabonetako abesbatza osatu dute. Entzun-entzun sortu dituzten bertsoak!!!

  ENTZUN



2020/12/22

Eguberritako pinuak



    6. mailako ikasleak aldizkari zahar batzuk  hartuta,  eguberritako pinuak  egin ditugu.
  Animatu, zaila ematen duen arren, errez egingo duzue pazientzia                  piska batekin. 
    Ikusi nolako pinuak... 





 



2020/11/18

HHKO IKASLEAK, MANTTOREN MINA ARINDU NAHIAN

HHko ikasleek ezusteko ederra hartu zuten duela bi aste: Mantto mina hartuta zegoen, benda bat buruan eta beste bat eskuan zuela... haren mina arintzeko asmoz, marigorringoarengana hurbildu, hitz goxoak esan, eta maitekiro abestu zioten. Asko eskertu zituen mimoak eta entzundako doinuak!








2020/03/09

INTSEKTUEN ATERPEA

BILDUMA
Intsektu asko gure eskola inguruko lorategi eta baratzetan bizi dira. Gu intsektu horien bila ibili gara eta aurkitutako intsektuekin bilduma bat egitea lortu dugu. Badakigu intsektuak onuragarriak direla gure inguruan bi arrazoiengatik :

1.-Polinizazioan laguntzen dutelako.

2.-Beste intsektu kaltegarriak jaten dituztelako (haragijaleak direnak)

Negua iristean konturatu gara intsektu gutxiago dabiltzala gure inguruan eta hori ekiditeko beraientzat prestatutako egongelez betetako aterpe bat egitea pentsatu dugu, intsektu ezberdin gehienak erakartzeko.

Horrela ere intsektuen ekosistema aztertzeko aukera izango dugu begien aurrean hainbat intsektu mota izango ditugu eta.

Hasteko etxearen kanpoko estruktura egin eta ondoren barruko egongela bakoitza bete dugu material ezberdinak erabiliz: kanaberak, hostoak, adar lehorrak, goroldioa, enbor txikiak, egur zulatuak… Egongela ezberdinak sortu ditugu ahalik eta intsektu mota ezberdin gehien erakartzeko.



Intsektuen etxea non kokatu ere kontuan hartu dugu: leku eguzkitsu bat eta intsektuak elikatuko diren lorez, zuhaitzez eta zuhaixkez inguratutako leku bat.


Guzti hau aurrera eramateko hasieran informazioa aurkitu dugu interneten: zein itxura izan behar duen, neurriak, non kokatzea komeni den…

Ondoren taldeka diseinua egin dugu eta denen artean bat adostu dugu: forma, neurriak, zenbat gela izango dituen, gela bakoitza nola hornituko dugun, non jarriko dugun…

Adostu dugun aterpearen maketa egitea pentsatu dugu, beti ere benetako neurriak kontutan hartuta .

Maketa egin ondoren behin betiko aterpea eraikitzeari ekin diogu eta behar dugun materiala biltzen hasi gara: egurra, eraikitzeko tresnak eta gelak hornitzeko materialak. Taldeka antolatu gara aurrekoek egindako lana baloratuz eta errespetatuz.
ARGAZKIAK

MAKETA

ATERPEA

2019/05/15



Kaixo, ni Malen naiz, 6.C gelako ikaslea eta Erinias Taberna liburua irakurri dut gelan eta asko gustatu zait.

HASIERA DATA: 2019/05/08
BUKAERA DATA: 2019/05/14



LIBURUAREN DATUAK:

IZENBURUA: ERINIAS TABERNA

EGILEA: AMAIA ORMAETXEA

IRUDIGILEA: JULIO PARDO

ARGITALETXEA: ELKAR

LABURPENA: Liburu honek Jenniferrek polizia bezala argitzen duen lehenengo kasua kontatzen digu. James Maccrae, etxeak su hartu eta hil egiten da. Suhiltzaileek diote sutea norbaitek piztu duela. Egia ote da? Egia bada nor izan da hiltzailea?

BALORAZIOA:

1   2 3   4 5 6   7 8 9,5   10

Oso interesgarria eta misteriotsua delako eman diot 9,5.